Silaannakkut assartuineq angallassinerlu

Mittarfiit heliportillu assartuinermi angallassinermilu aaqqissuussinermi pingaaruteqartut ilagaat Kalaallit Nunaannit Kalaallillu Nunaannut ilaasunik angallassineq tamarmi silaannakkut ingerlasarmat.

 

Narsarsuarmi Kangerlussuarmilu mittarfiit Kalaallit Nunaannukarnermi tikittarfiit pingaarnersaraat. Mittarfiit heliportillu helikopterillu unillatsiarfii aamma ilaasunik angallassinernik nassiussanillu assartuinermik sullissisuupput.

 

2006-imiit pisortat ilaasunik angallassinermut tapiissutaat silaannakkut angallassinermuinnaq atorneqartarput. Pisortat tapiissutaat nunap immikkoortuini siunertanut aaliangersimasunut siunniussaapput taakkulu kiffartuussinermut isumaqatigiissutit tunngavigalugit timmisartunik angallavigineqartarput.

 

Timmisartukkut ilaasunik angallassinerit amerlanersaat silaannakkullu nassiussanik assartuinerit annertunersaa aningaasarsiornermik tunngaveqarpoq tassa imaappoq pisortanit tapiiffigineqarneq ajorput. Aningaasarsiornermik tunngaveqarluni angallassinerit ilisarnaatigaat ilaasut amerlaneruneri mittarfiillu timmisartunut sululinnoortuuneri.

 

Mittarfiit ingerlanneqarnerat Mittarfeqarfiit akisussaaffingaat, taakkulu Namminersorlutik Oqartussanit pigineqarput.

 

Heliportit amerlanersaasa helikopterillu unillatsiarfiisa ingerlanneqarnerat Air Greenland A/S-imit Pilersuisoq A/S-imillu isumagineqarput.